ଆଇପିଏସ୍‌ ସ୍ତରରେ ବଡ଼ଧରଣର ଅଦଳବଦଳ : ନୟାଗଡ଼ ଏସ୍‌ପିଙ୍କ ସମେତ ବଦଳିଲେ ୨୨ ଅଧିକାରୀ

ଭୁବନେଶ୍ୱର : ରାଜ୍ୟ ସରକାର ଆଜି ଆଇପିଏସ୍‌ ସ୍ତରରେ ବଡ଼ଧରଣର ଅଦଳବଦଳ କରିଛନ୍ତି। ନୟାଗଡ଼ ଏସ୍‌ପିଙ୍କ ସମେତ ମୋଟ୍‌ ୨୨ ଜଣ ଅଧିକାରୀଙ୍କର ବଦଳି ହୋଇଛି। ନୟାଗଡ଼ ଏସ୍‌ପି ପ୍ରତ୍ୟୁଷ ଦିଓ୍ଵାକରଙ୍କୁ ଏଆଇଜି ମୁଖ୍ୟ କାର୍ଯ୍ୟାଳୟରେ ଅବସ୍ଥାପିତ କରାଯାଇଛି। ପରୀ ହତ୍ୟା ମାମଲାରେ ତଦନ୍ତକୁ ନେଇ ସେ ବିବାଦ ଘେରକୁ ଆସିଥିଲେ। ତାଳଚେରରେ ଏସ୍‌ଡିପିଓ ଭାବେ କାର୍ଯ୍ୟରତ ସିଦ୍ଧାର୍ଥ କଟାରିଆଙ୍କୁ ନୟାଗଡ଼ ଏସ୍‌ପି ଭାବେ ଦାୟିତ୍ବ ଦିଆଯାଇଛି। ଏହି ଅଦଳବଦଳ ମାଧ୍ୟମରେ ଆଜି ୧୧ଟି ଜିଲ୍ଲାର ଏସପିଙ୍କୁ ନିଯୁକ୍ତ କରାଯାଇଛି।

ଗୃହ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ମୋଟ ୨୧ଜଣ ଆଇପିଏସ୍ ଓ ଜଣେ ବରିଷ୍ଠ ଓପିଏସଙ୍କୁ ନୂଆ ଦାୟିତ୍ୱ ନ୍ୟସ୍ତ ହୋଇଛି। ୨୦୦୨ ବ୍ୟାଚ୍ ଆଇପିଏସ ନରସିଂହ ଭୋଇଙ୍କୁ ସମ୍ବଲପୁର ରେଞ୍ଜ ଆଇଜି ଭାବେ ବଦଳି କରାଯାଇଥିବାବେଳେ ଭଦ୍ରକ ଏସପି ପଣ୍ଡିତ ରାଜେଶ ଉତ୍ତମରାଓଙ୍କୁ କୋରାପୁଟ ରେଞ୍ଜ ଡିଆଇଜି(ଇନଚାର୍ଜ) , ସଫିନ୍ ଅହମ୍ମଦଙ୍କୁ ଡିଆଇଜି-ଟେକନିକାଲ,ସାର୍ଥକ ଷଡ଼ଙ୍ଗୀଙ୍କୁ ଅନୁଗୁଳ ରେଞ୍ଜ ଡିଆଇଜି(ଇନଚାର୍ଜ), ଅଶ୍ୱିନୀ କୁମାରଙ୍କୁ ସ୍ପେଶାଲ ଆର୍ମଡ ଫୋର୍ସ ଡିଆଇଜି(ଇନଚାର୍ଜ) ଭାବେ ବଦଳି କରାଯାଇଛି।
ସେହିପରି ବି. ଗଙ୍ଗାଧରଙ୍କୁ ସମ୍ବଲପୁର ଏସପି, ଚରଣ ସିଂ ମୀନାଙ୍କୁ ଭଦ୍ରକ ଏସପି, କେ.ଶିବା ସୁବ୍ରମଣୀଙ୍କୁ ଢେଙ୍କାନାଳ ଏସପି, ରାହୁଲ ପିଆରଙ୍କୁ ଯାଜପୁର ଏସପି, ମାଦକର ସନ୍ଦିପ ସମ୍ପଦଙ୍କୁ କେନ୍ଦ୍ରାପଡ଼ା ଏସପି, ମୁକେଶ କୁମାର ଭାମୋଙ୍କୁ ରାଉରକେଲା ଏସପି, ଶ୍ରବଣା ବିବେକ ଏମଙ୍କୁ କଳାହାଣ୍ଡି ଏସପି, କୁସାଲକର ନୀତିନ ଦାଗୁଡ଼ୁଙ୍କୁ ବଲାଙ୍ଗିର ଏସପି,ବିକେକାନନ୍ଦ ଶର୍ମାଙ୍କୁ ରାୟଗଡ଼ା ଏସପି ଭାବେ ବଦଳି କରାଯାଇଛି। ସେହିପରି ୨୦୧୬ ବ୍ୟାଚର ବରୁଣ ଗୁଣ୍ଟାପଲ୍ଲିଙ୍କୁ ପଦୋନ୍ନତି ପରେ କୋରାପୁଟ ଏସପି ଓ ସିଦ୍ଧାର୍ଥ କାଟାରିଆଙ୍କୁ ପଦୋନ୍ନତି ପରେ ନୟାଗଡ଼ ଏସପି ଓ ପ୍ରହଲ୍ଲାଦ ସହାଇ ମୀନାଙ୍କୁ ପଦୋନ୍ନତି ପରେ ନବରଙ୍ଗପୁର ଏସପି ଭାବେ ବଦଳି କରାଯାଇଛି। ସେହିପରି କେନ୍ଦ୍ରୀୟ ଡେପୁଟେସନରୁ ଫେରି ୪ମାସ ଅପେକ୍ଷା କରିଥିବା ସତ୍ୟଜିତ୍ ନାୟକଙ୍କୁ ଏସପି(କମ୍ପ୍ୟୁଟର), ପୁରୀ ହାଜତମୃତ୍ୟୁରେ ବିବାଦୀୟ ଅଖିଳେଶ୍ୱର ସିଂଙ୍କୁ ଏସଓଜି କମାଣ୍ଡାଣ୍ଟ ଭାବେ ଅବସ୍ଥାପିତ କରାଯାଇଛି। ବରିଷ୍ଠ ଓପିଏସ୍ ବିକାଶ ଚନ୍ଦ୍ର ଦାସଙ୍କୁ ଝାରସୁଗୁଡ଼ା ଇନଚାର୍ଜ ଏସପି ଭାବେ ବଦଳି କରାଯାଇଥିବା ଜଣାପଡ଼ିଛି ।

21 ips officer transfered with nayagada sp in odisha