ହାଇଦ୍ରାବାଦ ଏନକାଉଂଟର ମାମଲାରେ ପୋଲିସର ବୟାନ: ୪ ଅଭିଯୁକ୍ତ ମଧ୍ୟରୁ ୨ ଜଣ ୯ଜଣଙ୍କୁ ଦୁଷ୍କର୍ମ ପରେ କରିଛନ୍ତି ହତ୍ୟା

ହାଇଦ୍ରାବାଦ: ହ୍ରାଇଦ୍ରାବାଦ ଏନକାଉଂଟର ଘଟଣାରେ ଆଜି ପୋଲିସ ନିଜର ବୟାନ ଦେଇଛି । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ପୋଲିସ ଦେଇଥିବା ବୟାନ ଅନୁଯାୟୀ, ଏନକାଉଂଟର କରାଯାଇଥିବା ୪ ଅଭିଯୁକ୍ତଙ୍କ ମଧ୍ୟରୁ ୨ ଜଣ ଏଭଳି ଅଭିଯୁକ୍ତ ଥିଲେ, ଯେ କି ପୂର୍ବରୁ ୯ ଜଣ ମହିଳାଙ୍କ ସହ ଦୁଷ୍କର୍ମ କରିବା ଏବଂ ତାଙ୍କୁ ପୋଡି ଦେବା ଘଟଣାରେ ସାମିଲ ଥିଲେ ।

ଅଭିଯୁକ୍ତ ଆରିଫ୍‌ଙ୍କ ବିରୋଧରେ ଏଭଳି ୬ଟି ମାମଲା ରହିଥିବା ବେଳେ ଚେନ୍ନାକେସାବୁଲୁଙ୍କ ନାମରେ ୩ ମାମଲା ରହିଥିଲା ବୋଲି ପୋଲିସ ପକ୍ଷରୁ ସୂଚନା ମିଳିଛି। ୨ ଅଭିଯୁକ୍ତ ବି ଏହାକୁ ସ୍ୱୀକାର ବି କରିଥିଲେ।

ପ୍ରକାଶ ଯେ, ନଭେମ୍ବର ୨୭ରେ ହାଇଦ୍ରାବାଦର ଜଣେ ପଶୁ ମହିଳା ଡାକ୍ତରଙ୍କୁ ଗଣଦୁଷ୍କର୍ମ କରିବା ସହ ପୋଡି ଦେବା ଘଟଣାରେ ଉକ୍ତ ୪ ଅଭିଯୁକ୍ତ ଗିରଫ ହୋଇଥିଲେ । ଏହାପରେ ପୋଲିସ ଏନକାଉଂଟର ଶିକାର ହୋଇଥିଲେ ଏହି ୪ ଅଭିଯୁକ୍ତ ।