ପ୍ରବାଦ ପୁରୁଷ ଜନନାୟକ ବିଜୁ ପଟ୍ଟନାୟକ ଉଡାଇଥିବା ଡାକୋଟା ବିମାନ ଖୁବଶୀଘ୍ର ଓଡିଶା ଆସିବ । ଏନେଇ ଆରମ୍ଭ ହୋଇଯାଇଛି ପ୍ରସ୍ତୁତି । ଓଡିଶା ଆଣିବାକୁ କାଯ୍ୟକ୍ରମ ଆରମ୍ଭ ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ପରାକ୍ରମର ପ୍ରତୀକ ଥିବା ଡାକୋଟା ବିମାନ ।
ଏହା ବର୍ତ୍ତମାନ ଅଚଳ ଅବସ୍ଥାରେ କୋଲକାତାର ନେତାଜୀ ସୁବାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରେ ରହିଛି । ଚଳିତ ବର୍ଷ ଶେଷ ସୁଦ୍ଧା ଓଡିଶା ଫେରିବ ବୋଲି ଆଶା କରାଯାଉଛି ।
୧୯୪୭ ଜୁଲାଇ ୨୧ରେ ବିଜୁ ପଟ୍ଟନାୟକ ଡାକୋଟା ବିମାନରେ ଇଣ୍ଡୋନେସିଆର ତତ୍କାଳୀନ ରାଷ୍ଟ୍ରପତି ସୁକର୍ଣ୍ଣଙ୍କୁ ଉଦ୍ଧାର କରିଥିଲେ । ଏହି ବିମାନ ରାଜ୍ୟବାସୀଙ୍କ ପାଇଁ ଗୁରୁତ୍ବବହନ କରେ । ଏହାକୁ ଓଡିଶା ଆଣିବା ପାଇଁ ପୂର୍ବରୁ ଯୋଜନା ହୋଇଥିଲା ମାତ୍ର ମହାମାରୀ ପାଇଁ ବିଳ ବେମ୍ବ ହୋଇଛି । ବର୍ତ୍ତମାନ ଏ ନେଇ ଟେଣ୍ଡର ଚାଲିଛି । ବିମାନଟିକୁ ଭୁବନେଶ୍ବରକୁ ସ୍ଥାନାନ୍ତର କରିବା ପାଇଁ କୋଲକାତା ସ୍ଥିତ ଏକ କମ୍ପାନୀକୁ ଚୁକ୍ତି ଦିଆଯାଇଥିଲା। ସୂତ୍ରରୁ ପ୍ରକାଶ ଯେ କମ୍ପାନୀଠୁ ଅଚଳ ବିମାନକୁ ଭୁବନେଶ୍ବରକୁ ଆଣି ଏକ ପ୍ରମୁଖ ସ୍ଥାନରେ ରଖିଯିବ ।ଏ ନେଇ ବେସାମରିକ ବିମାନ ଚଳାଚଳ ମହାନିଦ୍ଦେଶକ (ଡିଜିସିଏ) ଏବଂ ଭାରତର ବିମାନବନ୍ଦରର କର୍ତ୍ତୃପକ୍ଷ (ଏଏଆଇ)ଙ୍କଠାରୁ ଆବଶ୍ୟକ ମଞ୍ଜୁରୀ ମିଳିସାରିଛି । ବିଜୁ ପଟ୍ଟନାୟକ ଦ୍ୱାରା ଗଠିତ କଳିଙ୍ଗ ଏୟାରଲାଇନ୍ସରେ ୧୮ ଟି ଡାକୋଟା VT-AVI ବିମାନ ଥିଲା । ସେଥିରୁ ୧୨ଟି ସଂପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ଗୋଟିଏ କୋଲକତାରେ ଥିବାବେଳେ ଅନ୍ୟଟି ମୁମ୍ବାଇ ଛତ୍ରପତି ଶିବାଜୀ ଅନ୍ତର୍ଜାତୀୟ ବିମାନ ବନ୍ଦରରେ ରହିଛି । ଅବଶିଷ୍ଟ ତିନୋଟି ବିମାନ ବିଷୟରେ କୌଣସି ସୂଚନା ନାହିଁ ବୋଲି ବାଣିଜ୍ୟ ଓ ପରିବହନ ବିଭାଗର ଜଣେ ଅଧିକାରୀ କହିଛନ୍ତି।
୧୯୪୭ରେ ଡଚମାନେ ଇଣ୍ଡୋନେସିଆ ଦଖଲ କରିବାକୁ ଉଦ୍ୟମ କରିଥିଲେ । ସେହି ସମୟରେ କଳିଙ୍ଗ ଏୟାଲାଇନ୍ସର ଦକ୍ଷ ପାଇଲଟ ବିଜୁ ପଟ୍ଟନାୟକ ଇଣ୍ଡୋନେସିଆର ତତ୍କାଳୀନ ରାଷ୍ଟ୍ରପତି ସୁକର୍ଣ୍ଣଙ୍କୁ ଉଦ୍ଧାର କରିଥିଲେ । ତାଙ୍କର ଏହି ଦୁଃସାହାସିକତା ପଇଁ ଇଣ୍ଡୋନେସିଆ ସରକାର ତାଙ୍କୁ ‘ଭୂମିପୁତ୍ର’ ଆଖ୍ୟା ଦେଇଥିଲେ ।