ପୁଣି ୨ କୋରୋନା ପଜିଟିଭ ଚିହ୍ନଟ, ସଂଖ୍ୟା ୨୩କୁ ବୃଦ୍ଧି

ଭୁବନେଶ୍ୱର: ଭୁବନେଶ୍ୱରରେ ପୁଣି ଦୁଇ କୋରୋନା ପଜିଟିଭ ଚିହ୍ନଟ । ରାଜ୍ୟର କୋରୋନା ଆକ୍ରାନ୍ତଙ୍କ ସଂଖ୍ୟା ୨୩ କୁ ବୃଦ୍ଧି । ପୂର୍ବରୁ ଓଡିଶାରୁ ୨୧ ଥିଲା କୋରୋନା ପଜିଟିଭଙ୍କ ସଂଖ୍ୟା । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।

ଭୁବନେଶ୍ଵରରେ ଆଉ ୨ ଟି କୋରୋନା ଆକ୍ରାନ୍ତ ଚିହ୍ନଟ କରାଯାଇଛି । ଜଣେ ୭୦ ବର୍ଷୀୟ ବୟସ୍କ ବ୍ୟକ୍ତି । ସେ ନିକଟରେ ଅଷ୍ଟ୍ରେଲଆରୁ ଭୁବନେଶ୍ୱର ଫେରିଥିଲେ । କପିଳ ପ୍ରସାଦ ହାଉସିଂ ବୋର୍ଡ଼ କଲୋନୀ ରେ ବୋଲି ଜଣାପଡିଛି । ଏଯାଏଁ ତାଙ୍କ ଗସ୍ତ ବିବରଣୀ ସଂପୂର୍ଣ୍ଣ ଜଣାପଡିନାହିଁ । ଏହା ସହ ଆଉ ଜଣେ କୋରୋନା ଆକ୍ରାନ୍ତ ବମିଖାଲ୍ ଅଂଚଳର ବୋଲି ଜଣାପଡିଛି। ବମିଖାଲ୍ ଅଂଚଳରେ ସର୍ଭେଲାନ୍ସ ବେଳେ ୨୯ବର୍ଷୀୟ ଯୁବକ ଜଣକ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

ପୂର୍ବରୁ ବମିଖାଲ୍ ରୁ ୩ଜଣ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି। ଭୁବନେଶ୍ଵରରେ ସମୁଦାୟ ୧୬ ଟି କୋରୋନା ଆକ୍ରାନ୍ତ ଚିହ୍ନଟ କରାଯାଇଛି । ଏଥିରୁ ୨ଜଣ ସୁସ୍ଥ ହୋଇଛନ୍ତି।