ଆରମ୍ଭ ହେଲା ଏସିଆନ ଆଥଲେଟିକ ଚାମ୍ପିୟନସିପ : ୪୩ ଦେଶର ୬୦୦ରୁ ଅଧିକ ଆଥଲେଟ୍ ସାମିଲ

ଭୁୁବନେଶ୍ୱର: ରଙ୍ଗାରଙ୍ଗ ପରିବେଶରେ ଉଦଘାଟିତ ହୋଇଛି । ଏସିଆନ ଆଥଲେଟିକ ଚାମ୍ପିୟନସିପ । ଏହି ମହାକୁମ୍ଭ ଆରମ୍ଭ ସହ ଓଡିଶା ସହ ୍େୟାଡି ହୋଇଛି ଆଉ ଏକ ଏ÷÷ତିହାସିକ ଅଧ୍ୟାୟ । ଦେଶରେ ତୃତୀୟ ଥର ଓ ଓଡିଶାରେ ପ୍ରଥମ ଥର ଲାଗି ଆୟୋଜିତ ହୋଇଥିବା ୨୨ ତମ ଏସିଆନ ଆଥଲେଟିକ ଚାମ୍ପିୟନସିପକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଛନ୍ତି । ଏସିଆନ୍ ଆଥଲେଟିକ୍ସ ଚାମ୍ପିଅନ୍ସିପ୍ ପ୍ରସ୍ତୁତି ପାଇଁ ଆମକୁ ୯୦ ଦିନ ସମୟ ମିଳିଥିଲା। ଏହାକୁ ଚ୍ୟାଲେଞ୍ଜ ଭାବେ ନେଇ ଆମେ ବିଶ୍ୱସ୍ତରୀୟ ଷ୍ଟାଡିୟମ କରିଛୁ। ଏସିଆନ୍ ଆଥଲେଟିକ୍ସ ଚାମ୍ପିଅନ୍ସିପ୍ ଆୟୋଜନ କରି ଆମେ ଏସିଆ ମହାଦେଶ ସହିତ ଯୋଡ଼ି ହୋଇଯାଇଛୁ। ଦେଖିବାକୁ ଗଲେ କଳିଙ୍ଗ ସହ ଏସିଆର ସଂପର୍କ ବହୁ ପୁରୁଣା। ଏହି କ୍ରୀଡ଼ା ମହାକୁମ୍ଭ ଆମ ସଂପର୍କକୁ ଅଧିକ ମଜବୁତ କରିଛି। ଏସିଆନ୍ ଆଥଲେଟିକ୍ ଚାମ୍ପିଅନ୍ସିପ୍ ଉଦ୍ଘାଟନୀ ଉତ୍ସବରେ ଅତିଥିଭାବେ ଯୋଗଦେଇ ନବୀନ ପଟ୍ଟନାୟକ ଏହା କହିଛନ୍ତି। ଏହି ଉତ୍ସବରେ ସମ୍ମାନିତ ଅତିଥି ଭାବେ ଅନ୍ତର୍ଜାତୀୟ ଦୌଡ଼କୁଦ ସଂଘ ସଭାପତି ସେବାଷ୍ଟିଏନ୍ କୋଏ ଓ ଏସୀୟ ଦୌଡ଼କୁଦ ସଂଘ ସଭାପତି ଦହାଲନ୍ ଅଲ୍ ହମଦ୍ ଯୋଗ ଦେଇ ଥିଲେ। । ଭାରତୀୟ ଦୌଡ଼କୁଦ ସଂଘ ସଭାପତି ଆଦିଲ ସୁମରିଓ୍ଵାଲ ସ୍ୱାଗତ ଭାଷଣ ଦେବା ପରେ ‘୯୦ ଦିନର ଆହ୍ଵାନ’କୁ ନେଇ ଏକ କ୍ଷୁଦ୍ର ଚଳଚ୍ଚିତ୍ର ପ୍ରଦର୍ଶିତ ହୋଇଥିଲା। ଏହାପରେ ମୁଖ୍ୟମନ୍ତ୍ରୀ ଏହି ଅବସରରେ ପ୍ରକାଶିତ ବିଶେଷ ଡାକଟିକଟକୁ ଉନ୍ମୋଚନ କରିଥିଲେ।
କ୍ରୀଡ଼ା ମହାକୁମ୍ଭ ଏସିଆନ୍ ଆଥଲେଟିକ୍ ଆରମ୍ଭ ପୂର୍ବରୁ ବିଧାନସଭା ପରିସରରେ ଓଡ଼ିଶାର ସମସ୍ତ ବିଧାୟକ ଓ ସାଂସଦ ଏକତ୍ର ହୋଇଥିଲେ। ପରେ ସ୍ୱତନ୍ତ୍ର ଗାଡ଼ିରେ ସେମାନେ କଳିଙ୍ଗ ଷ୍ଟାଡିୟମ ଯାଇଥିଲେ। ସେମାନଙ୍କ ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାଇ ମହାକୁମ୍ଭକୁ ଉଦ୍ଘାଟନ କରିଥିଲେ। ଆଥଲେଟଙ୍କୁ ଶପଥ ପାଠ କରାଇଲେ ଶ୍ରାବଣୀ ନନ୍ଦ।
ଗୁରୁବାର ଠାରୁ ୯ ତାରିଖ ଯାଏଁ ଚାଲିବ ଏହି ଚାମ୍ପିଅନ୍ସିପ୍। ଏଥିରେ ବିଭିନ୍ନ ଇଭେଣ୍ଟରେ ୪୩ ଦେଶର ୬୦୦ରୁ ଅଧିକ ଆଥଲେଟ୍ ଅଂଶଗ୍ରହଣ କରୁଛନ୍ତି। ଉଭୟ ପୁରୁଷ ଓ ମହିଳା ଆଥଲେଟ୍ ୨୧ଟି ଲେଖାଏଁ ଇଭେଣ୍ଟରେ ପ୍ରତିଦ୍ୱନ୍ଦ୍ୱିତା କରିବେ। ଆଜି ଉଦଘାଟନୀ ଉତ୍ସବରେ ପ୍ରଥମେ ଅଥଲେଟ୍ ମାର୍ଚ୍ଚପାଷ୍ଟ କରିଥିଲେ। ତା’ପରେ ପରେ ସାଂସ୍କୃତିକ କାର୍ୟ୍ୟକ୍ରମ ପ୍ରାୟ ୨ଘଣ୍ଟା ଧରି ଚାଲିବ। ଏହି ଅବସରରେ ଦେଖିବାକୁ ମିଳିବ ଓଡିଶାର କଳା, ସଂସ୍କୃତି ଓ ଐତିହର ଝଲକ୍। ଏଥିସହିତ ଚିତାକର୍ଷକ ଆତଶବାଜି ଓ ଲେଜର ସୋ କାର୍ୟ୍ୟକ୍ରମ। ଲୋକଙ୍କ ଭିଡକୁ ଲକ୍ଷ୍ୟକରି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।