କଳାହାଣ୍ଡି: କଳାହାଣ୍ଡି ବେଦାନ୍ତରେ ଆନ୍ଦୋଳନକାରୀ ଓ ସୁରକ୍ଷାକର୍ମୀ ମୁହାଁମୁହିଁ ହୋଇଛନ୍ତି । ସିକ୍ୟୁରିଟି ଗାର୍ଡଙ୍କ ମାଡରେ ଜଣେ ପ୍ରାଣ ହରାଇଥିବାବେଳେ ୪୦ ଜଣ ଆହତ ହୋଇଛନ୍ତି । ସ୍ଥାନୀୟ ରେଂଗୋପାଲି ଗାଁର ବିସ୍ଥାପିତ ନିଯୁକ୍ତି ଓ ଅନ୍ୟାନ୍ୟ ଦାବି ନେଇ ବେଦାନ୍ତ ମୁଖ୍ୟ ଫାଟକ ଆଗରେ ହରତାଳ କରିଥିଲେ । ଏହି ସମୟରେ ଆନ୍ଦୋଳନକାରୀ ଓ ସୁରକ୍ଷାକର୍ମୀ ମୁହାଁମୁହିଁ ହୋଇଥିଲେ । ଆନ୍ଦୋଳନକାରୀମାନେ ଧସେଇ ପଶିବା ବେଳେ ସୁରକ୍ଷାକର୍ମୀ ସେମାନଙ୍କୁ ମାଡ ମାରିଥିବା ଅଭିଯୋଗ ହୋଇଛି । ସୁରକ୍ଷା କର୍ମୀଙ୍କ ମାଡରେ ଦାନୀ ବାତ୍ରା ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପଂହଚିଥିଲେ ବି ଉତେଜନା ଜାରି ରହିଛି । ଘଟଣାରେ ଅନେକ ସାଧାରଣ ଲୋକ ବି ଆହତ ହୋଇଛନ୍ତି ।
